×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Fiore

    Гужви на техничките прегледи, налепници има во доволен број, една од станиците денеска не работи

    13.02.2024 11:47 | Оливера Пешевска

    Станиците за технички преглед во Куманово денеска има поголем метеж за набавка на налепници со ознаката „НМК“ во однос на вчерашниот ден. Од таму смируваат дека налепници има во доволен број и сметаат дека сите возачи кои ќе се обратат до нив ќе бидат услужени.  

    Гужви на техничките прегледи, налепници има во доволен број, една од станиците денеска не работи

    Пред станицата на Пин Петрол, колоната од возила се протега и по должина улицата, а имаше околу 30-тина возила кои стрпливо чекаа ред.

    „Брзо оди, еве за 15-20 минути има само уште неколку возила пред мене. Иако ме фати паника кога застанав последна во редот мислејќи дека ќе изгубам половина ден да завршам работа“, истакна наша сограѓанка која ја затекнавме на лице место.

    Сопствениците на возила мора лично да се појават во станиците, да пополнат барање, а налепниците задолжително ги ставаат контролорите на каналот во станицата. Граѓаните не можат да ги подигнат налепниците и самостојно да ги залепат на своите таблички.

    „Авто Мото“ Куманово имаат обезбедено посебна лента само за граѓаните кои имаат потреба од ваквата услуга, и тие од вчера имаат обезбедено „НМК“ налепници, објавија од станицата. Денеска не успеавме да стапиме во контакт со вработените во станицата која се наоѓа кај поранешната фабрика „Искра“.

    Вработените во „Авто контрол“ во населбата Доброшане денеска не работат, има поставено знак Стоп на влезот на халата за технички преглед, а немаше ни возила. Одговорните не сакаа да кажат за што се работи, велат се работи за правна процедура, која не е од јавен интерес.