И учениците ќе се вклучат во Ден на дрвото

Утрешната е 16-та по ред акција Ден на дрвото, со мотото “Засади успех“. Ќе се садат дрвца на локацијата Даштев рид во населбата Гоце Делчев.

Ќе се вклучат средношколците од сите средни училишта, а основците ќе садат во своите дворови. Ќе земат садници од „Македонски шуми“. Во истата акција ќе се вклучи и детската градинка „Ангел Шајче“. Во училиштата ќе се садат чемпреси таму каде има простор - вели Цветанка Арсиќ, советник во одделение за заштита на животна средина во општина Куманово.

За граѓаните оваа година нема да има организиран превоз бидејќи локацијата за пошумување е блиску. Се повикуваат граѓаните масовно да се вклучат во акцијата.