Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово, во наредните два дена (четврток и петок), ќе се одржи првиот Интернационален фестивал на современа класична музика „Одеци“.
Фестивалот е посветен на Трајко Прокопиев, еден од основоположниците на македонската музичка култура, чии дела го претставуваат нејзиниот основен фундамент, композиторот со кој се гордее Куманово и Македонија.
„Публиката ќе има неповторлива можност да ужива во изведбата на навистина уникатни артисти чија уметност веруваме дека е одек на делото на Прокопиев“, соопштуваат организаторите.
Првиот концерт ќе го одржи во Занаетчискиот дом со почеток во 19.30 часот, а ќе настапи оркестарот „Синфониум“ под диригентска палка на Филип Петровски.
Во петок манифестацијата продолжува во Центар за култура „Трајко Прокопиев” со почеток во 20.30 часот, а публиката ќе има можност да ги види и чуе: LUKE ITCH feat ADI IMERI (Македонија), YEGOR ZABELOV (Белорусија), FunGo TanGo PROJECT (Македонија/Србија/Австрија) и DEEP STEADY ( Србија )
Зачленете се во нашиот клуб на читатели и најновите текстови ќе ги добивате на вашата мејл адреса
