Инвестиции во водоснабдителните системи

  Оваа го објавија од Управата за водостопанство на денешната средба со водокорисниците, од кои побараа предлози каде да се инвестира.

 Водокорисниците предложија да се санира и реконструира мрежата во селото Романовце и на уште некои други места. Ние ќе ги разгледаме нивните предлози и ќе ги земеме во предвид.  Треба да обезбедиме квалитетна вода за водокорисниците, колку им е потребна и во секое време. Без капиталните инвестиции за браните ќе бидат потрошени околу 6 милиони евра - рече Кадир Салих, директор на Управа за водостопанство на Република Македонија.

  Со прокетот ќе се ревитализираат, санираат и доградуваат постојните системи за да се подобри услугата кон земјоделците. Бидејќи во наредните 20 години се очекува недостаток на вода и моментално има големи загуби на вода, Владата ќе инвестира во нови зафати.

Дадовме свој придонес и треба да изработиме проектна документација. Дел од таа проектна документација е веќе изработена. Ќе дадеме иницијативи за можни зафати. Ќе сториме се да се ревитализираат и малите мини системи во Довезенце , Јачинце, Шупли Камен и во другите општини Ранковце, Старо Нагоричане - вели Филип Филиповски, директор на Водостопанство “Кумановско - липковско поле“.

Водокорисниците се пожалија дека во високите зони притисокот на вода е доста слаб и неможе да се користи. Вакви јавни расправи ќе има низ цела Македонија со цел да се направи поквалитетен Акционен план за период 2015 - 2025 година.