Зачленете се во нашиот клуб на читатели и најновите текстови ќе ги добивате на вашата мејл адреса
Во Куманово по првпат, викендов, се одржа меморијална специјализирана кинолошка изложба за расата шарпланинец, во организација на кинолошкото друштво "Тумбак", а во чест на покојниот судија Владимир Крстевски.
Владимир Крстевски беше голем промотор на расата шарпланинец, писател на книгата "Македонскиот Горостаз Шарпланинец", а воедно и кинолошки судија.
На изложбата учествуваа 76 кучиња, како од државата така и од соседните земји.
„Секако дека треба да се негува и развива расата шарпланинец, бидејќи тоа е нашата автохтона раса. Овој настан заслужува да прерасне во традиција, затоа што оваа раса е дел од нашите простори“, вели Мартин Славољубовски, од организацискиот одбор.
Организатрите и кинолошкото друштво „Тумбак“ на чело со Кирче Крстевски се надеваат дека овој настан ќе прерасне во традиција.