Ја истепал сопругата затоа што се разведува од него

Инцидентот се случил пред три дена на булеварот „Октомвриска револуција„, кога И.Д.(34) случајно ја сретнал Б.Д.(30) со која водат бракоразводна постапка.

Пред очите на голем број на граѓани тој се нафрлил врз неа и почнал да ја удира со тупаници по главата и телото. Жената успејала да се отргне од насилникот иако никој од присутните не и помогнал, и случајот го пријавила во полиција,.

 И.Д. е приведен и против него е поднесена кривична пријава за насилство, а истражен судија му одредил мерка куќен притвор во траење од 30 дена.

Ова не било првпат И.Д. да ја малтретира и тепа неговата сопруга. Во април полицијата му поднела пријава за семејно насилство откако физички се пресметал со неа.