Зачленете се во нашиот клуб на читатели и најновите текстови ќе ги добивате на вашата мејл адреса
Менаџер и шефица во фирмата „ДС Фудс“ во Куманово, сокриле дека виљушкар удрил работничка додека била на работното место, туку лажно пријавиле дека самата се повредила.
Грчкиот државјанин С.К.(24), кој живее во Куманово и С.С.(24) од Куманово ги фалсификувале доказите и ги натерале вработените да лажат за несреќниот случај.
Инцидентот се случи во октомври мината година, кога сезонски работник со виљушкар ја повредил жената. Тогаш С.К. како менаџер во фирмата не го пријавил случајот во полиција, туку ги уништил трагите од извршените кривични дела. По ова, и наложил на С.С. да ги повика работниците кои биле очевидци на настанот, и да ги натера да потпишат лажни изјави дека наводно повредената работничка не била удрена од виљушкар, туку дека се лизнала на подот и самата се повредила.
Жената била пренесена во Кумановската болница, а поради сериозноста на повредите се лекувала во Скопје. Кратко потоа починала.
Полицијата поднела кривични пријави до менаџерот на фирмата и работникот кој го управувал виљушкарот, а сега обвинението се дополнува на менаџерот и шефицата за помагање на сторител во извршено кривично дело.
Зачленете се во нашиот клуб на читатели и најновите текстови ќе ги добивате на вашата мејл адреса
