Kазнети полицајци во СВР Куманово
Министерството за внатрешни работи во текот на декември по спроведени дисциплински мерки, донесе решенија за казнување на повеќе вработени во Полициска станица Гошинце и СВР Куманово.
Вработените се казнети затоа што направиле пропусти во работењето.
Кај тројца полицајци од Полициска станица Гошинце се најдени предмети од Прифатниот центар за странци, и тие се казнети со 15 отсто од плата за еден месец.
Двајца полицајци од Полициска станица Гошинце се казнети со по 15 отсто од плата за три месеци, затоа што од невнимание дозволиле да им избегаат двајца странци од Прифатниот центар.
Виш референт - самостоен техничар од СВР Куманово е казнет со 15 отсто од плата за шест месеци, затоа што не почитувал наредба на старешнина така што остварил прекувремени работни часови без да извести старешина.
На полицаец од Полициска станица од општа надлежност Крива Паланка, СВР Куманово му е изречена мерка отказ затоа што за себе прибавил противправна имотна корист.
Полицаец од Полициска станица од општа надлежност Куманово, СВР Куманово е казнет со 15 отсто од плата за шест месеци затоа што одбивал лекарски преглед за утврдување на работна спсообност.
За еден полицаец од Полициска станица Гошинце е запрена постапка бидејќи не е утврдена одговорност.
НАЈНОВИ
-
Максим Димитриевски ќе биде кандидат на ЗНАМ за градоначалник на Куманово
-
Училишната зграда на „Браќа Миладиновци“ и „Крсте Мисирков“ ќе добие енергетско ефикасна фасада
-
Меѓународниот боксерски турнир „Мирослав Петровиќ“ ќе се одржи викендов на Градскиот плоштад во Куманово
-
Во тек е исплатата на правата од социјална и детска заштита за мај
-
Бесплатни вреќи обезбеди „Чистота“ за ѓубрето од градските гробишта
-
Се сечат дрвја и се расчистува теренот за доизградба на дел од „Октомвриска револуција“
