Зачленете се во нашиот клуб на читатели и најновите текстови ќе ги добивате на вашата мејл адреса
Над 300 сопственици на фирми, во четврток од 10 до 12 часот ќе протестираат пред Управата за јавни приходи во Куманово, незадоволни поради големите парични казни што треба да ги платат за ненавремено поднесување на пријави за ДДВ.
По 5.000 евра ќе платат сите оние кои до 15-ти јануари не го пријавиле данокот, а казната може да се преполови доколку се плати во рок од 8 дена од добивањето на решенијата.
-Имаше многу празници во првата половина на јануари и не успеавме да ги предадеме пријавите. Задоцнивме само неколку дена. Државата треба да има разбирање дека ова се мали фирми кои неможат казната да ја платат,некои дуќани немаат толку стока и инвентар во дуќанот,а не да платат 5.000 евра казна-изјави еден од стопанствениците.
Даночните обврзници реагираат и поради тоа што за разлика од останатите градови каде што даночните пријави се поднесувале и наредните два дена по истекување на рокот, во Куманово Управата не ги примала пријавите.Од УЈП велат дека висината на казната е предвидена со законот. Доколку не се поднесе пријава во законскиот рок, на правното лице му следува казна од 4 до 5 илјади евра во денарска противвредност, а глоба во износ од илјада до 2 илјади евра ќе плати одговорното лице во фирмата.
Зачленете се во нашиот клуб на читатели и најновите текстови ќе ги добивате на вашата мејл адреса
