“Кочо Рацин“ прослави 70 години постоење

По тој повод беа организирани низа манифестации за јубилејот. “Кочо Рацин“ е прво училиште во Куманово, во кое почнала да се изведува настава на македонски јазик.

„Со спортски, културни активности, со свечена академија и приредба насловена „Во светот на бајките„ „Кочо Рацин одбележа значаен јубилеј 70 години од своето постоење. Постојано вложуваме во инфраструктурно уредување на зградите како во централната, така и во зградите на подрачните училишта“ - изјави директорот Драгиша Цветковиќ.

Во централната зграда во Куманово настава следат 1340 ученици, а подрачни училишта има и во селата Биљановце, Доброшане, Орашац каде настава се изведува до деветто оделение.