„Коледари“ со музика го славеа Бадник

На граѓаните им беа поделени бадникови гранчиња кои членовиите на „Коледари“ деновиве ги набраа кај манастирот Забел и ги осветија. Од здружението рекоа дека 16-та година по ред прават вакви прослави за да ја сочуваат традицијата.

Времето наклонето или не, не е важно, се собравме во доста голем број. Има популација од најмали од 2-3 години, па до постарите, повозрасните граѓани. Она што ние сме го организирале, што почна пред 16 години се гледа дека на некој начин успеало. Луѓето ја чувствуваат таа потреба и доаѓаат тој ден за да го почувствуваат празникот. Оваа година решивме да направиме кохезија во здружението, сите се кумови - рече Мирослав Доневски, претседател на „Коледари“.

Граѓаните кои ја следеа прославата во центарот на градот велат дека и идните генерации треба да продолжат во тој дух.

Тоа е стара традиција од нашите стари. И вие помладите да ја следите оваа традиција и младите што сега се раѓаат - рече Томислав Стаменковски, граѓанин.

Присутните се упатија кон црквата „Свети Никола“ каде се делеше колач со паричка.