„Крепост“ ги разубави празниците на 12 сиромашни семејства

Со оваа донација на болните, сиромашните граѓани и многудетните семејства им ги разубавија празниците. Покрај загрозени граѓани од Куманово, беа опфатени и луѓе кои живеат во рурални средини и на кои им е потребна помош.

Дониравме за семејства во Драгоманце и Ливади. Од вкупно 12 семејства, 3 се многудетни семејства, а 3 се со болни лица, и другите се сиромашни граѓани кои живеат во една соба. Дониравме храна која е потребна за Бадниковата вечера и други намирници - вели Христијан Георгиевски, претседател на „Крепост“.

На списокот на „Крепост“ има 45 семејства на кои им е потребна помош и за кои се донира. Георгиевски вели дека оние луѓе кои се работоспособни се случува интервентно да им треба донација, но по извесен период успеваат да се снајдат и да застанат на свои нозе.