Зачленете се во нашиот клуб на читатели и најновите текстови ќе ги добивате на вашата мејл адреса
За забавата, храната, знаменитостите и сместувачките капацитети посетителите на Крива Паланка ќе можат да се информираат од инфо портали.
Туризмот ќе се промовира преку уреди со монитор на допир кои се мрежно поврзани на специјализиран софтвер. Покрај податоци, на мониторите има фотографии, линкови, можност за резервација по пат на интернет и контакт телефони. Овие туристички терминали се дел од проектот “Туризам без граници“. 4 платформи се поставени во Ќустендил , една во Крива Паланка на манастирот Свети Јоаким Осоговски, и другата платформа е во Штип.
Проектот чини 300 000 евра кои се обезбедени од ИПА програмата за пограничка соработка меѓу Македонија и Бугарија. Со експонирање на туристичките потенцијали пограничкиот реон ќе заживее и економски и социјално ќе се развива. За сето ова ќе биде изработена и рекламна стратегија, а туристите информации ќе добиваат на англиски, италијански, бугарски и македонски јазик.
Зачленете се во нашиот клуб на читатели и најновите текстови ќе ги добивате на вашата мејл адреса
