Зачленете се во нашиот клуб на читатели и најновите текстови ќе ги добивате на вашата мејл адреса
Над 1.000 визири доби медицинскиот персонал во регионот од група ентузијасти од Куманово.
Станува збор за тим од 12 млади луѓе, кои со 12 машини за 3Д печатење веќе 15 дена неуморно работи и изработуваат заштитна опрема за потребите на здравствените установи во нашата и соседните општини.
- Досега дониравме во Општа болница Куманово околу 350 парчиња, над 100 на Здравствениот дом, 30 на Центарот за јавно здравје, 50 на болницата во Св. Николе, 20 во Кратово, 60 во Крива Паланка и на уште многу приватните здравствени установи по општа медицина. Останува уште само мал број што не се покриени, пред се приватните ординации од Кратово, Крива Паланка и Св. Николе, а примарна цел е да се снабдат со визири сите медицински установи низ земјава, - соопштуваат од тимот.
Матерјалот за изработка на опремата се обезбедува по пат на донации од граѓаните и компании.
Ги повикуваат сите здравствени установи кои имаат потреба од
заштитна опрема визири, да се јават кај нив, со пополнување на
формуларот:
https://docs.google.com/forms/d/e/1FAIpQLSeixFnq9Sma1SoOu_6PmqjVnuk_JwAlMsN7XUNWgUcnc7Kn2w/viewform
Тие се благодарни на интересот и поддршката коишто ги добиваат во огромен број на граѓани, а групата работи на волонтерска основа. Трошоците за потрошена електрична енергија ги покриваат сами, а одвоеното време со љубов го даруваат онаму кај што е најпотребно во оваа кризна состојба.
Иницијативата за изработка на заштитна опрема со 3Д технологија започна од лекарите од болницата „8 Септември“, од Скопје, пред околу половина месец и многу брзо се рашири низ целата држава.