Кумановци купиле 13.000 кубици дрва од Шумско

Повеќето од нив ги искористиле попустите кои важеле до крајот на септември за да се снабдат со огревно дрво.

“Околу 80 отсто од граѓаните ја искористија можноста која ја даде Владата да се купат дрва со попуст, и тоа 15 отсто за социјалци и 10 отсто за другите граѓани. Количината на продадени дрва е слична како лани. Најголем интерес имаше за бука и за даб, бидејќи овие дрва се најдобри за затоплување“ - кажа Ваит Саити, директор на Шумско стопанство Куманово.

Мал дел од граѓаните допрва нарачуваат дрва за претстојната грејна сезона.