Кумановци мераклии на нелегално оружје

Во регионот што го покрива СВР Куманово, минатата година отпаѓаат 12 проценти од вкупната заплена на нелегално оружје. Пред нас е само Скопје со 23 проценти, додека другите населени места учествуваат со многу помал процент. Граѓаните кај кои е пронајдено нелегалното оружје се правдале дека го набавиле заради лична безбедност и сигурност.

Третина од запленетото нелегално оружје во земјава отпаѓа на пиштоли. Од 185 парчиња оружје: 59 се пиштоли, 30 ловни пушки, 20 полуавтоматски пиштоли, 17 автоматски пушки, 15 револвери, 14 рачни бомби, шест рачни ракетни фрлачи, како и 10.769 парчиња муниција, 19 пакувања експлозив, 111.404 разновидни петарди и др.

Против 237 сторители се поднесени кривични пријави за „изработување и набавување оружје и средства наменети за извршување на кривично дело“. Лани за разлика од претходно имало за 15 отсто повеќе откриени случаи на држење нелегално оружје.