Зачленете се во нашиот клуб на читатели и најновите текстови ќе ги добивате на вашата мејл адреса
Месец дена пред истекот на оваа година, граѓаните размислуваат како да ја пречекаат новата година. Повеќето од нив сакаат најлудата ноќ да ја поминат во странство, а многу малку се заинтересирани за домашните туристички места.
- Сега ги разгледуваат аранжманите, а по 15 декември граѓаните ќе се одлучат каде ќе патуваат за Нова година. Најголем интерес има за Париз, Рим , Солун, Венеција, Фиренца, Истанбул. Нашите сограѓани кои работата во Авганистан, имаат желба Новата година да ја поминат во Дубаи. И за одмор оваа дестинација последниве години е многу популарна. Имаме и аранжмани за во Македонија, и тоа за Охрид, Струмица, онаму каде ќе има организиран дочек на градските плоштади, но интересот е слаб. Лани два автобуси организирано заминаа за Париз - велат од туристичка агенција “Јоцо турс“.
Тие објаснуваат дека кумановци за зимување ги бираат Банско, Златибор и Копаоник.
Од туристичката агенција “Мартео“ велат дека кај нив постои интересес за Прага, Дрезден, Париз, Рим, Истанбул.
- Не може една дестинација да се одвои, туку за сите подеднакво има интерес. Граѓаните ќе заминат на 29 декември и се враќаат на 2 јануари назад. Во земјава се нудат аранжмани за Берово, Крушево,Маврово и Охрид, но на овие места кумановци преферираат да зимуваат, а поретко ги посетуваат за Нова година. Исто така се распрашуваат за Златибор и Копаоник за дочек на 2013 година - додаваат од “Мартео“.
И од оваа агенција потврдуваат дека за кумановци Дубаи е место каде сакаат да отпатуваат за празник, одмор, дочек на Нова година.
Зачленете се во нашиот клуб на читатели и најновите текстови ќе ги добивате на вашата мејл адреса
