Зачленете се во нашиот клуб на читатели и најновите текстови ќе ги добивате на вашата мејл адреса
Организацијата на жени “Кумановка“ не се согласува со новиот предлог на Фондот за здравствено осигурување, кој предвидува фирмите да ги исплаќаат породилните надоместоци и боледувањето на жените.
Од организацијата сметаат дека со оваа реформа ќе бидат оштетени жените, кои и онака немаат рамноправна положба на пазарот на трудот.
„Сметаме дека ваквиот проект директно ќе придонесе за намалување на пристапот на жените до заработувачка и работните места, ќе доведе до зголемување на сиромаштијата на жените и нивната економска зависност. Ќе го огранични пристапот до правото на бременост и мајчинство, ќе ја зголеми несигурноста на работните места за жените. Ќе ја зголеми неактивноста на жените и ќе доведе до нивно дополнително исклучување од пазарот на труд“ - вели Виолета Петровска, претседател на “Кумановка“.
Петровска додава дека овој проект ќе ја зголеми родовата нееднаквост во Македонија.