Кумановка измамена за 2.000 евра од вработен во туристичка агенција во Скопје

Дваесет и осумгодишна  жена од кумановско пријавила дека била измамена од лице вработено во туристичка агенција во Скопје за сума од 2.000 евра. 

Според пријавеното, кон крајот на февруари, таа отишла во агенцијата да изврши уплата за патување, при што лицето кое работело, побарало парите да ги даде на рака веднаш, а сметката за извршена уплата да и биде дадена во наредните денови. 

„Како што е пријавено, таа неколку пати се обидела да го контактира телефонски, при што лицето и кажало дека не може да ги обезбеди потребните документи за патување, а откако побарала парите да и бидат вратени, лицето не одговорило на повиците. Се преземаат мерки за расчистување на случајот“, соопшти МВР.