01. 04. 2020 14:02

Кумановка заразена со коронавирус се породила на клиника во Скопје

Кумановка заразена со коронавирус се породила на клиника во Скопје

Дваесет и седумгодишна кумановка, заразена од Ковид 19,  вчера се породила со царски рез на  Клиниката за гинеколошко акушерската клиника во Скопје.

Пациентката роди живо машко новороденче кое е недоносено и во моментов се наоѓа на одделот за интезнивна нега и терапија на ГАК. Новороденчето е изолирано и е во добра општа состојба, не е на респиратоена машина туку само е со кислородна хауба. Денеска на бебето ќе му биде земен брис и ќе му биде направен тест на COVID-19,  сопштуваат од  ГАК.

Жената при приемот била без покачена температура, но во својот исказ посочила дека пред три дена имала треска и се пожалила на сува кашлица.  Таа укажала и на тоа дека член на семејството има симптоми кои може да укажуваат на инфекција со Ковид 19.

-  На пациентката освен комплетната лабораторија, земен и е и брис за COVID-19 чиј што резултат е стигнат на 31.03.2020, попладне во 18 часот и истиот е позитивен на вирусот, - соопштуваат од клиниката.

На 31.03.2020 родилката почна да развива потешка клиничка слика, отежнато дишење со намалена сатурација, по што е веднаш префрлена и хоспитализирана на Клиниката за инфективни болести и фебрилни состојби.

Со пациентката било постапено според сите протоколи за прием на заразен пациент како во однос на нега и третман, така и во однос на адекватна заштита на персоналот и изолација на пациентот.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk