Куманово ќе биде домаќин на „Гимназијада 2016“

Директорот на Општинскиот сојуз на спортови, Сашо Петрушевски рече дека ќе вложат напори оваа манифестација да биде организирана на највисоко ниво.

Ние како Општински сојуз на спортови програмата ја прифатвиме и ќе покажаме уште еднаш дека сме спортски град - рече Петрушевски.

Директорот на Гимназијата “Гоце Делчев“, Горан Димитријевиќ вели дека ова ќе биде голем настан, на кој ќе учествуваат ученици од повеќе градови од Македонија.

Ќе се натпреваруваат учениците во сите можни спортови. Сите спортови кои се практикуваат на нашето поднебје, почнувајќи од кошарка, ракомет, фудбал, до тенис и ред други спортови. Ќе има натпреварувања во машка и женска конкуренција - изјави Димитријевиќ.

Кумановските средношколци учествуваат редовно на „Гимназијада“, а во претходните години имаа и забележителни резултати.