Куманово во портокалова фаза, температурите до 36 степени

Од Управата за хидрометеоролошки работи велат дека и во наредните денови ќе се задржи топлото време, а најтопол ден ќе биде сабота.

Во сабота при крајот на денот или во вечерните часови ќе има наоблачување. Во недела ќе има појава на ветер и повремени дождови, додека во делот кон Крива Паланка можна е појава на грмежи. Намалување на температурите за 6 степени ќе има во понеделник, исто и во вторник ќе се задржат тие пониски дневни температури - вели Борис Секирарски, дежурен синоптичар во УХМР.

Во меѓувреме додека трае топлотниот бран треба да се почитуваат препораките за заштита од Министерството за здравство.