Кумановскиот музеј слави 50 години постоење

По тој повод на 22 декември во музејот ќе биде организирана свеченост по повод големиот јубилеј. Од Музејот велат дека секоја година напредуваат, релизираат бројни проекти и ги промовираат локалитетите во кумановско.

„Од далечната 1964 година до денес музејот полни 50 години од своето формирање. Најпрвнин бил формиран како историски, па народен музеј, а потоа според заслугите и според проектите добива потврда од Министерството за култура и прераснува во национална установа музеј Куманово. Побогати сме за многу археолошки локалитети, многу изложби од сите области, така што напредуваме во секој поглед и мислам дека тоа се гледа„ - изјави Анита Цветановска, директорка на Музеј Куманово.

На 22 декември во музејот ќе биде прикажан документарен филм за работата на музејот од формирањето до денес.