Зачленете се во нашиот клуб на читатели и најновите текстови ќе ги добивате на вашата мејл адреса
Просветните работници во Куманово и Липково денеска стапија во штрајк, додека во општина Старо Нагоричане наставата се изведува вообичаено.
Наставниците кои штрајкуваат се на своите работни места, но не држат часови.
“Настава денеска нема да има во основни и средни училишта во Куманово. Во текот на денот претседателот на СОНК, Јаким Неделков ќе го посети Куманово и регионот за да види како се одвива штрајкот“ - вели Никола Стојмановски, секретар во Регионален просветен синдикат.
Училиштата во општина Липково исто така штрајкуваат, со исклучок на основното училиште “Дитурија“ во село Липково.
“Сите училишта штрајкуваат, освен “Дитурија“ и гимназијата бидејќи тие не се зачленети во синдикат. Во нашата општина часови не се одржуваат поради штрајкот на професорите“ - рече Џевдет Рахмани, одговорен за образование во општина Липково.
Училиштата во општина Старо Нагоричане денеска работат нормално.
“Учениците се навреме стигнати со комбиња од околните села. Сите наставници се на своите работни места. Немаме никаков застој, си работиме како и секој друг ден“ - изјави Даниела Станковска, директорка на “Светозар Марковиќ“ во село Старо Нагоричане.
Наставниците штрајкуваат со барање за покачување на платите за 25 отсто, укинување на казните и поедноставување на административните обврски кои ги имаат.
Зачленете се во нашиот клуб на читатели и најновите текстови ќе ги добивате на вашата мејл адреса
