ЛДП донираше книги на Ученичкиот дом

Се работи за книги од различни жанрови кои ќе им користат на учениците сместени во интернатот, а акцијата се организира по повод 18-от роденден на партијата.

По повод 18 години од основање на ЛДП и нејзино опстојување на политичката сцена, општинската организација на ЛДП презема низа активности или таканаречена недела на активности по повод роденденот на партијата. Овие стотина книги Форумот на жени реши да ги подари на Ученичкиот дом „Професор Мијалковиќ“ - изјави Ивица Костовски, секретар на ЛДП Куманово.

Директорот на „Професор Мијалковиќ“, Есад Шаботиќ се заблагодари за донацијата со надеж дека во иднина ќе има повеќе вакви средби и соработки. Кажа дека библиотеката располага со 4000 книги, но новите наслови се добредојдени.

Се надевам дека овие книги се дојдени на вистинско место. Ќе бидат тука како наше богатство и на секој наш ученик, ќе му биде достапна секоја книга која има интерес да ја прочита. Многу сум благодарен. Иако имаме 4000 книги, водиме сметка за лектири, за секоја измена. За жал немаме библиотекар, туку воспитувачите даваат книги од библиотеката - вели Шаботиќ.

Директорот се надева дека во иднина ќе расте бројот на ученици сместени во домот, но и ќе се збогатува фондот на книги.