Зачленете се во нашиот клуб на читатели и најновите текстови ќе ги добивате на вашата мејл адреса
Либерално-демократската партија синоќа во Куманово одбележа 18 години постоење и успешно делување на политичката сцена во Македонија.
По тој повод на петнаесет ветерани им беа доделени благодарници и медали за нивниот придонес за партијата.
Беа доделени 15 награди и една постхумна плакета на Трајан Петровски - Жмара, кој е еден од основачите на ЛДП. Тој имаше членска карта 001. Сигурно дека уште има заслужни. Ова ќе прерасне во традиција, па и јас некоја година ќе добијам“- вели Зоран Павловски, претседател на општинската организација на ЛДП Куманово.
Лидерот на партијата, Горан Милевски објасни дека кумановската општинска организација е една од најбројните во државата.
“Секогаш може повеќе и подобро, затоа имаме и промени на централно ниво. Се надевам тој бран на подмладување на организациите ќе се зафати и во Куманово и едноставно ќе ја подобриме нивната работа, бидејќи секој човек се стреми да биде успешен“ - кажа Милевски.
Во чест на роденденот, членовите на ЛДП заедно со вработени од јавното претпријатије “Чистота и зеленило“ засадија 200 садници од населба Карпош до влезот на Куманово. Претходно цела недела активисти на ЛДП организираа различни активности во градот, за прослава на роденденот.
Зачленете се во нашиот клуб на читатели и најновите текстови ќе ги добивате на вашата мејл адреса
