Зачленете се во нашиот клуб на читатели и најновите текстови ќе ги добивате на вашата мејл адреса
Либерално-демократската партија на 19 април ќе наврши 18 години постоење, и по тој повод цела недела во Куманово ќе организира различни активности.
Во вторник, Форумот на жени на ЛДП Куманово ќе донира 50 книги за библиотеката на Ученичкиот дом “Професор Мијалковиќ“. Во среда во партиските простории на ЛДП во 18 часот ќе се одржи натпревар во шах и пикадо, на кој ќе учествуваат младите. Во четврток на одделот за трансфузија ќе има крводарителска акција од 11 до 14 часот.
“Во петок со почеток во 19 часот во просториите на ЛДП од Куманово, ќе се формира клуб на ветерани од членови на ЛДП, кои во изминативе години со своето ангажирање дале свој придонес за препознавање, ангажирање и одржување на ЛДП на политичката сцена во Република Македонија и општина Куманово. По тој повод претседателот на ЛДП на Република Македонија и актуелен пратеник, Горан Милевски ќе им подели признанија и благодарници. Истата вечер во 20 часот Милевски ќе се обрати со краток говор пред членовите и симпатизерите на ЛДП од Куманово, а потоа ќе има неформални средби и разговори со членовите на партијата“- изјави Ивица Костовски, секретар на ЛДП Куманово.
Во сабота членовите на ЛДП ќе организираат еколошка акција, на која ќе засадат 18 дрвца во чест на 18-от роденден на партијата.
Зачленете се во нашиот клуб на читатели и најновите текстови ќе ги добивате на вашата мејл адреса
