Легализирани 1000 дивоградби

Ова е само пет проценти од вкупниот број на поднесени 19.500 барања.

Не сме задоволни од досегашната бројка, бидејќи во најголем број случаи ни се доставени некомплетни барања. Најмногу недостасуваат елаборати, кои што согласно закон за легализација е потребно да ги изготват лиценцирани геодетски куќи, меѓутоа и временскиот рок од 6 години, кој што е даден им остава впечаток на граѓаните дека има време за изработка на елаборатите и не инсистираат да бидат побрзо. Но бројката на поднесени барања е голема и граѓаните треба да бидат поажурни за да можеме и ние навреме да ја завршиме работата- вели Лидија Ланг Спасовска раководителка на Одделението за урбанизам и комунални дејности во Општината Куманово.  

Во состав на секторот формирани се 5 комисии кои секојдневно одат на терен и работата по барањата на граѓаните. Сепак ќе се легализираат само оние дивоградби што имаат комплетна документација и се во согласност со урбанистичка планска документација.