Љатифи: Ќе останеме без доктори до 2014

09.07.2010 09:50 | KumanovoNews

 Продолжува одлевањето на стручен кадар во Кумановската општа болница. Само во последниве два месеци од болницата си заминале четири лекари специјалисти,уште неколку најавиле дека ќе си одат, а во изминатитие две години своите работни места ги напуштине 15 лекари.

Љатифи: Ќе останеме без доктори до 2014

 Ситуацијата станува  алармантана ако се земе во предвид дека од април до сега  четири доктори ја напуштија болницата. Некои отидоа во пензија, некои си дадоа отказ да работат приватно и  ние неможеме да го запреме нивното заминување.Го известивме и Министерството за здравство дека имаме недостаток на специјалисти и чекаме одговор да ни одобрат вработувања. Моментално ни фалат околу дваесетина лекари на гиникологијата, урологијата, педијатрија, интерното, инфективното одделение, и овој акутен проблем мора да се реши  на ниво на државата - вели директорот Ариф Љатифи.

 Во болницата нема ни еден ортопед, па во Болницата еднаш на неколку недели доаѓа професор од Скопје. Фалат и 4 интеренисти, 4 педијатри, 4 гинеколози, 3 психијатри, , 2 ортопеди , уролози и други лекари.

Според предвидувањата на директорот, доколку продолжи досегашното темпо на одлив на доктори, до 2014 година болница ќе  остане без лекари, бидејќи ќе ја напуштат уште десетина лекари, без оние што треба да заминат во пензија. Затоа апелира до надлежните сериозно да го сфатат проблемот бидејќи болницата во Куманово како единствена државна болница, покрива над 200 илјади жители од целиот североисточен регион.

2008 - 2021 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk