Максим Димитриевски ќе биде кандидат на ЗНАМ за градоначалник на Куманово

Ова денеска го кажа Игор Филков, на прашање дали партијата преговара со својот коалициски партнер ВМРО-ДПМНЕ за заеднички настап на локалните избори.

„Во моментот преговорите се во тек. Но, она што можам да го потврдам сигурно е дека ние ќе имаме кандидат во  Куманово, тоа е нашиот претседател Максим Димитриевски“, рече Филков.

 Димитриевски е два мандати градоначалник на Куманово, првпат како кандидат на СДСМ, а пред 4 години како независен кандидат дојде на власт и со поддршка на ВМРО-ДПМНЕ, по што направи коалиција во Советот на Општината.