Мало поевтинување на горивата – новите цени важат од вечерва

Регулаторната комисија за енергетика и водни услуги (РКЕ) донесе одлука за нова корекција на цените на нафтените деривати, која стапува на сила од вечерва на полноќ. 

Според пресметките, малопродажните цени се намалуваат за 0,5 денари по литар, во однос на минатата недела.

Највисоките малопродажни цени на горивата ќе изнесуваат:

    ЕУРОСУПЕР БС – 95: 76,00 денари за литар

    ЕУРОСУПЕР БС – 98: 78,50 денари за литар

    ЕУРОДИЗЕЛ БС (Д-Е V): 68,50 денари за литар

    Екстра лесно масло за горење (ЕЛ-1): 68,50 денари за литар

    Мазут М-1 НС: 41,025 денари за килограм

Од РКЕ информираат дека намалувањето е резултат на падот на референтните цени на нафтените деривати на светските берзи, како и стабилизацијата на курсот на денарот во однос на американскиот долар.