Мега луна парк во Куманово - забава на отворено до 15 март

Во наредните петнаесетина дена, посетителите ќе имаат можност да уживаат во различни атракции – панорамски рингишпил висок 30 метри, хидраулична и семејна вртелешка, автомобилчиња за најмладите, како и адреналински справи за тинејџерите и повозрасните.

Организаторите ги повикуваат граѓаните да го посетат луна паркот, кој е наменет за сите генерации – од 3 до 103 години.

„Нека дојдат да се забавуваат и да уживаат во бројните атракции и впечатливи визуелни ефекти, а повозрасните нека се вратат во детството“, велат организаторите.

Работното време на паркот во работните денови е од 16 до 23 часот, а за време на викендите од 11 до 23 часот.

Поставувањето на забавниот парк претставува дополнителна понуда за забава во градот, особено за децата и младите, кои во наредниот период ќе имаат уште едно место за дружење и рекреација.

Организаторите апелираат до посетителите да ги почитуваат безбедносните правила и упатствата на персоналот, со цел престојот да помине во најдобар ред.

(ПР текст)