Министерството за одбрана објави оглас за вработување на 125 професионални војници

Конкурсот е распишан за работа на определено работно време со договор за вработување во времетраење од 3 години со можност за негово продолжување повеќе пати, најмногу до навршување на 45 години возраст, по што им продолжува работниот однос со преземање во органите на државната и локалната власт и други државни органи согласно законот.

Кандидатите треба да ги исполнуваат општите услови: да се државјани на Република Северна Македонија, да се полнолетни и да имаат посебна здравствена и физичка способност, како и посебните услови: да имаат завршено средно образование, да имаат завршено доброволно служење на воениот рок и да не се постари од 25 години на денот на завршувањето на огласот за прием на професионални војници.

Исто така кандидатите ќе подлежат и на тестови за проверка на физичката подготвеност.

Јавниот оглас трае 15 дена од денот на распишувањето, а подетални информации заинтересираните кандидати можат да  најдат на официјалната страна на  Министерството  за одбрана.