Зачленете се во нашиот клуб на читатели и најновите текстови ќе ги добивате на вашата мејл адреса
Мирослав Костовски (24) беше најсреќен меѓу пeтнаестината момчиња што утринава се фрлија по крстот во водите во базенот на црквата „Света Троица“. Мирослав и претходните години за Водици скокал по осветениот крст, но верува дека оваа година ќе биде посебно успешна за него и за неговото семејство.
Многу сум среќен. Сметам дека фаќањето на крстот е божји благослов. Им посакавум на сите да им се случи истото и им порачувам на сите млади да учествуаат масовно во ваквите православни манифестации - изјави Мирослав.
Со фаќањето на крстот тој го добива и кумството за наредната година. Од црквата „Св.Троица“ доби подарок телевизор, златно синџирџе и крст.
По повод празникот Богојавленије - Водици утрово во Света Троица се одржа света литургија , а беше осветена и водата од која верниците си наполнија за здравје, мир и благосостојба.
Голем празник за нас православците. Многу ми е драго што вака масовно се прославува, а особено ме радуваат младите, кои ни големиот студ не ги спречи да скокаат во осветената вода по крстот - вели една повозрасна госпоѓа.
За христијанските верници, Водици е еден од најголемите христијански празници за што говори големиот број присутни верници во светите храмови.
Зачленете се во нашиот клуб на читатели и најновите текстови ќе ги добивате на вашата мејл адреса
