Зачленете се во нашиот клуб на читатели и најновите текстови ќе ги добивате на вашата мејл адреса
На пет централни столба се темели програмата на СДСМ за Куманово, кои се однесуваат во сите сфери на општинското живеење и со кои е предвидено подобрување на состојбите во Куманово, најави Атина Мургашанска, носителка на листата на СДСМ во Куманово.
„Проектот „Мој Градоначалник“- преку кој, градоначалникот го доближуваме непосредно до граѓаните и обезбедуваме директна комуникација со него и општинската администрација, хумана урбанизација, со кој гарантираме планско градење со заштита на јавниот интерес и двојно повеќе зеленило за секој нов квадрат бетон, зелена агенда, столб со кој предвидуваме завршување на терциерната мрежа на гасификацијата, односно истата да стигне до сите домаќинства, набавка на еколошки јавен превоз, пречистителни станици, енергетско ефикасни фасади на колективни станбени згради. Економски развој преку зголемување на финансиските можности на општината и економски политики насочени кон подобрување на деловниот амбиент и инфраструктурни проекти, односно одвојување на еден милион евра секоја година за реконструкција на постојани улици и изградба на нови, како и изградба и реконструкција на водоводна и канализациона мрежа, најави Мургашанска.
Таа додаде дека во наредните деновите детално ќе ја презентираат програмата, со која гарантираат позитивна промена на ликот на Куманово во
наредните 4 години.
„СДСМ ја има најдобрата понуда на политичката сцена. Јасна идеја и јасен план за развојот на нашата општина. Слушајќи ги вашите потреби, за мандатниот период 2021-2025 година, излегуваме со програма креирана од вас самите. Во Програмата се опфатени сите населени места во Општина Куманово и она што е најважно, за секој проект имаме финансиска конструкција, што гарантира дека истата во потполност ќе биде спроведена“, вети Мургашанска.
Зачленете се во нашиот клуб на читатели и најновите текстови ќе ги добивате на вашата мејл адреса
