Зачленете се во нашиот клуб на читатели и најновите текстови ќе ги добивате на вашата мејл адреса
Четиригодишно дете од селото Матејче загина вчера во сообраќајната несреќа на локалниот пат Куманово- Романовце.
Според МВР, несреќата се случила во 14.15 часот помеѓу патничко возило „фолксваген голф“, со кумановски регистарски ознаки, управувано од В.Б.(29) од Куманово и патничко возило „фолксваген голф“, со кумановски регистарски ознаки, управувано од И.Р. од с.Матејче, општина Липково.
„Во незгодата, на местото на несреќата починал четиригодишник од с.Матејче, сопатник во возилото што го управувал И.Р. Смртта на детето ја констатирал лекар од Итна медицинска помош,“ - соопштуваат од полицијата.
Со телесни повреди се здобиле двајцата возачи и Љ.Ш., сопатничка на И.Р.
Увид на местото на несреќата извршиле Јавен обвинител и екипа од СВР Куманово.