На „Ден на дрвото“ ќе работат сите здравствени установи

За таа цел, Министерството достави известување до Јавните здравствени установи утре во текот на денот редовно да ги извршуваат закажаните прегледи и интервенции.

Сите закажани прегледи во специјалистичко-консултативни амбуланти, кабинети за снимања и други дијагностички процедури, како и закажаните хируршки интервенции нема да бидат одложени, и за таа цел на установите им е наложено да ги преземат сите организациски мерки овие прегледи и интервенции да бидат непречено изведени.

Според податоците од Националниот систем за електронски евиденции во здравството МојТермин, утврдено е дека на тој ден се веќе закажани над 8.000 пациенти во редовен термин за преглед и над 500 хируршки интервенции. Во интерес на пациентите е прегледите и интервенциите да бидат извршени во денот кога се закажани, со цел навремено добивање на потребната здравствена услуга.

Инаку, останатите служби во установите кои не се поврзани со закажани термини, ќе се приклучат на акцијата Ден на дрвото и овој ден дополнително ќе го одработат, согласно насоките од Министерството за труд и социјална политика.