На подрачјето на СВР Куманово регистрирани четири прекршувања на предизборниот молк

За време на предизборниот молк, во текот на вчерашниот ден (18.10.2025 до 07:00 часот на 19.10.2025), односно до отворање на избирачките места, регистрирани се 20 пријави за нарушување на изборниот молк, соопшти МВР.

Шест се на подрачје на СВР Скопје, четири на подрачје на СВР Куманово, потоа СВР Велес – три, по два настани на подрачје на СВР Охрид, СВР Штип и СВР Битола и еден на подрачје на СВР Струмица. По преземени мерки не се потврдени пријавите за 15 настани.

Покрај ова, регистрирани се 47 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови.

На сите подрачја гласањето на болни и изнемоштени лица и затвореници помина без нарушување на гласањето, регистриран е само еден настан.