Зачленете се во нашиот клуб на читатели и најновите текстови ќе ги добивате на вашата мејл адреса
Советниците денеска ја изгласаа одлуката за измена на режимот на сообраќај за Третата фаза, но со заклучок побараа од стручните служби да преиспитаат дали ова сообраќајно решение е најдобро за овој дел од градот.
Еднонасочна ќе стане и улицата „Љубе Гашев“ и покрај противењето на станарите од зградите 13, 15 и 17 од улицата “11 Октомври“, кои доставија петиција до Советот, секторот и до градоначалникот. Тие се незадоволни од сообраќајното решение, бидејќи ќе треба да заобиколуваат по околните тесни улици за да стигнат до дома со возило.
Советникот од СДСМ, Александар Арсиќ побара стручните служби да го преиспитаат сообраќајното решение за да видат дали тоа е во интерес на граѓаните. Додека Саша Николиќ, советник од ДПСМ смета дека еднонасочниот сообраќај создава хаос и посочи неколку улици во центарот на градот како лош пример.
Би ја навел “Ленинова“ која пред неколку години е направена еднонасочна. Тука е и “Народна револуиција“ која поминува кај Градската библиотека и ОУ “Браќа Милдиновци“ и ОУ “Крсте Мисирков“. Наш предлог е да не брзаме со одлуки и да ги разгледаме сообраќајните решенија. Ние во градот немаме патокази за некои витални објекти, железничка, автобуска станица, болница, црква, џамија - кажа Николиќ.
Од воведувањето на еднонасочен сообраќај на споменатата улица се засегнати стотина семејства кои живеат во трите станбени згради.
Зачленете се во нашиот клуб на читатели и најновите текстови ќе ги добивате на вашата мејл адреса
