Зачленете се во нашиот клуб на читатели и најновите текстови ќе ги добивате на вашата мејл адреса
Во Земјоделското училиште „Киро Бурназ“ денеска се одржа четириесет и петтиот државен тракторски натпревар, на кој учествуваа ученици од десет средни земјоделски училишта од Македонија.
Натпреварувањето се одвиваше во шест дисциплини во кои учениците имаа можност да го покажат своето знаења и вештини.
Ова е трет пат како нашиот град е домаќин и сакам да се заблагодарам на општината која што ни овозможи да го организираме натпреварот, бидејќи од нив добивме финансиски средства. Десет града се тука и тоа Ресен, Свети Николе, Прилеп, Велес, Битола, Кавадарци. Значи десет града каде има земјоделско ветеринарна струка - вели Весна Трајковска, директорка на „Киро Бурназ“.
Освен во вешто возење на трактор и орање учениците се натпреваруваа и во аранжирање на цвеќе, препознавање на семиња, органско производство, препознавање на коски и органи.
Јас доаѓам од Струмица и се натпреварувам во дисциплината за вешто возење на трактор и орање. Втор пат учествувам на ваков натпревар, а минатиот пат освоив второ место - рече учесничка.
На натпреварот имаше 140 ученици, и подеднакво вешти беа и машките и женските натпреварувачи.
Зачленете се во нашиот клуб на читатели и најновите текстови ќе ги добивате на вашата мејл адреса
