Никако да поскапе чевларскиот труд

Јас работев седум години, сега сум невработена. Можам да кажам дека тоа е тешка работа, а неплатена. Меѓутоа луѓето немаат избор и затоа прифаќаат да работат - вели Виолета Спасовска.

И од синдикатот потврдуваат дека еден час работа во чевларството се плаќа од 35 до 60 денари. Еден работник во текот на денот може да направи од 5 до 7 чифта чевли.

Kога фирмите се во екот на својата работа саатнината е иста. Друг проблем е што им доцни наплатат, бидејќи со партнерите се договорени за исплата на 60 или 90 дена. Тоа се чувствува во помалите фирми кои се во понезавидна состојба бидејќи го работат само горниот дел од чевлите - рече Миле Спасовски, секретар во Регионален синдикат.

Во  чевларскиот сектор претежно работат жени, а општо за земјава важи правилото дека жените работат професии кои се слабо платени.