Нов протест во Куманово поради даночните решенија на УЈП

Според објавениот повик, протестот е закажан од 14:30 до 16:30 часот, а организаторите ги повикуваат своите членови, како и сите граѓани кои ги поддржуваат, да се приклучат.

Како што наведуваат од здружението, протестот се организира поради, како што велат, неправедни решенија за данок кои се однесуваат на 2020 година, а со кои, според нив, се засегнати поголем број семејства.

Организаторите бараат јасен и официјален одговор од УЈП, правично постапување и почитување на законите, запирање на двојното оданочување, како и правична и законска пресуда од Управниот суд.

Од здружението „Правда за сите“ апелираат граѓаните да присуствуваат во што поголем број.