Зачленете се во нашиот клуб на читатели и најновите текстови ќе ги добивате на вашата мејл адреса
Советот на Општина Куманово, доби 54 фотељи како дел од Програмата за јакнење на локалната самоуправа на Швајцарската агенција за развој и соработка преку во проектот „Зајакнување на општинските совети“, која се реализира преку Програмата за развој на Обединетите нации (УНДП).
„Со оваа донација се подобруваат условите за работа на советниците, а истовремено се создава можности тука да се одвиваат и средбите со граѓаните, кои сакаат да се сретнат со избраниот советник. Овде завршува третата компонента, а за наредната година со други проекти ќе се обидеме комплетно да ја реконструираме и адаптираме целата просторија на Советот на Општина Куманово“, - вели Маја Петровска, координатор на проектот.
Опремата во салата каде што се одржуваа седниците на Советот е стапа повеќе од 40 години.
Проектот се состоеше во три компоненти. Во првата фаза општинските советници поминаа обуки, коишто ќе им помогнат поефективно да ги надгледуваат локалните буџети и директно да комуницираат со граѓаните при утврдување на приоритетите за трошење на буџетски средства на општината.
Преку втората компонетната на Форумите за заедниците обезбедени се средства за реконструкција на просториите на основното училиште Браќа Миладиновци, каде настава посетуваат ученици со посебни потреби.
Третата фаза беше обезбедување на техничка опрема за Советот.
Преку оваа програма во проектот беа вклучени петнаесет општини, односно: Чаир, Охрид, Струмица, Свети Николе, Валандово, Велес, Центар, Куманово, Брвеница, Желино, Гостивар, Струга, Кочани, Кавадрци и Могила.