Зачленете се во нашиот клуб на читатели и најновите текстови ќе ги добивате на вашата мејл адреса
Министерството за одбрана распиша оглас за прием на 300 професионални војници и 10 подофицери во македонската армија, а од 13 март ќе се распише и конкурс за офицери со завршено високо образование.
„Ова е одлична можност за сите млади и мотивирани мажи и жени од сите етнички заедници, кои сакаат својата работна кариера да ја посветат во заштита на мирот и безбедноста на државата и на граѓаните. Секој што ги исполнува условите може да биде дел од македонската армија“, истакна министерот Владо Мисајловски.
Според објавениот оглас условите предвидуваат работа на определено работно време со договор за вработување во времетраење од четири години со можност за негово продолжување повеќепати, до навршување на возраст од 45 години.
Зачленете се во нашиот клуб на читатели и најновите текстови ќе ги добивате на вашата мејл адреса
