Зачленете се во нашиот клуб на читатели и најновите текстови ќе ги добивате на вашата мејл адреса
На телефонски броеви во Институтот за јавно здравје и во центрите за јавно здравје во државата можат да се пријават сомнителните случаи со симптоми налик на коронавирус по пристигнување во територијата на Македонија, објави денеска Министерството за здравство.
Сите коишто ќе се пријават ќе се тестираат во центрите за јавно здравје, а евентуалната изолација би била на одделенијата за инфективни болести. За Куманово треба да се јават на телефонскиот број 070/215-851.
„Апелирам до пациентите кои доаѓаат од критичните места точно да одговараат на прашањата на граничните полицајци и на вработените во царина. Да не кријат информации. Да се придржуваат до упатставата кои ги добиваат во информативните матерјали на аеродромите и на граничните премини, и доколку се сомневаат на симптоми, да не одат по клиниките, туку да се јават на еден од десетината телефони во Центарот за јавно здравје и во Институтот за јавно здравје“, рече денеска министерот за здравство Венко Филипче.
Тестирањата на првите два сомнителни случаи во државата, покажаа дека се негативни на коронаворусот, туку дека станува збор за болни од обичен грип.
Влегувањето во земјата од кризните подрачја е ограничен само преку аеродромите во Скопје и Охрид и граничните премини Ќафасан, Табановце, Блаце, Богородица и Деве Баир.
Зачленете се во нашиот клуб на читатели и најновите текстови ќе ги добивате на вашата мејл адреса
