Зачленете се во нашиот клуб на читатели и најновите текстови ќе ги добивате на вашата мејл адреса
Лицата кои наполниле 65 години, а немаат 15 години работен стаж, поради неплатени придонеси, согласно Законот за пензиско и инвалидско осигурување, кој беше донесен во Собранието, од 18 март ќе можат сами да си го докупат.
Меѓутоа, оваа одлука важи само за оние на кои им недостасува стаж до крајот на 2008 година т.е станува збор за фирми кои во меѓувреме се ликвидирани, со што на вработените или не им е платен стажот или воопшто не е внесен.
За еден месец страж граѓаните ќе треба да платат 1400 денари, а можност за откупување на стажот ќе имаат и членовите од семејството на осигуреник кој починал, за да може и тие да се стекнат со семејна пензија.
Плаќањето се однесува за оној период за кој граѓанинот има поднесено барање за плаќање на придонес, под услов да биде пријавен во задолжително социјално осигурување.
Законот стапува на сила на 18 февруари, а ќе почне да се применува еден месец подоцна на 18 март.