Зачленете се во нашиот клуб на читатели и најновите текстови ќе ги добивате на вашата мејл адреса
Општински совет за превенција од детско претстапништво, Општински совет за безбедност на сообраќај на патишта и Локалната комисија за борба против трговија со луѓе и илегална миграција, се само дел од телата кои функционираат, заради превентивно дејствување и спречување на појава на девијантните појави во Општина Куманово.
Во овие тела членуваат претставници на институциите и граѓаните.
„За истакнување е тоа што на локално ниво, со институциите, локалната самоуправа и Советот на Општината , имаме добра поврзаност, соработка и комуникација, а се со единствена цел градење на поголема безбедност на сите граѓани, што впрочем е и нашата цел“, - изјави Виолета Богдановска, началник на Секторот за превенција.
По повод Денот на превентивното работење во полицијата - 9 декември, Секторот за превенција, при СВР Куманово, презема повеќе активности во текот на целата недела.
„Мешани патроли на родители и деца беа во обиколка на угостителски објекти и на места на отворен простор каде што малолетни лица во текот на ноќта се собираат и престојуваат, потоа организиравме трибина „Болести на зависности, препознавање, помош и заштита“. Вчера имавме турнир во одбојка во основното училиште „Вук Караџиќ“, - додава Богдановска.
Активностите ќе продолжат и во наредниот период, со одржување на регионален турнир во мал фудбал.