Одбиваат работа да не бидат вознемирувани

На оваа тема тркалезна маса организира Хуманитарното здружение “Мајка“ и Организација на жени Турчинки “Дерја“ од Скопје.

Невладините организации имаат целни групи и се трудат истите полесно да дојат до вработување. Иако постои закон за антидискриминација, сепак на локално и на централно ниво до надлежните комисии нема пријавен ниту еден случај. Хуманитарното здружение “Мајка“ направи истражување, во тек е кампања, а потоа ќе се пополнат уште прашалници и ќе се добијат статистички податоци за сексуалното вознемирување.

 Нашата препорака пред се е до институциите. Жените веќе треба да се охрабрат, да се едуцираат, да го препознаат овој проблем и да знаат кои се механизмите кои ги воспоставила државата за да ги користат. Нема информација до целната група каде да пријави. Имаме соработка со двете страни, и се надеваме дека проблемот ќе се намали или ќе се искорени, што  е наша желба - рече Маргaрита Аврамовска, потпретседател на Хуманитарно здружение “Мајка“.

На истата проблематика работи и Центарот за неформално образование Триаголник од Скопје. Тие имаат партнери во Црна Гора и Босна и Херцеговина.

 Од јануари 2011 година го реализираме проектот АЛТИО - обука за застапување и лобирање на организации кои работат со млади. Се работи на специфичен проблем, а тоа е сексуалното вознемирување кое на некој начин оневозможува да жените ја задржат работата. Оваа организација најде проблем кој тука постои и сака да го реши - вели Мирјана Ѓорѓевска од Центар за неформално образование Триаголник.

Дваесет европски земји спроведуваат вакви проекти за едукација на жените за сексуалното вознемирување.