Однесен дрвен мост од надојдената река во Бедиње, поплавено земјиште во Опае и Оризаре

Според Центарот за управување со кризи (ЦУК), од вчерашните врнежи во населба Бедиње е однесен дрвен мост од надојдената река Липковка.

Во село Опае, Општина Липково поплавено е земјоделско земјиште по излевање на Слупчанска Река. Дел од земјоделските површини се поплавени и во село Оризаре.

Во реката Пчиња, во селото Доброшане, кај мостот кон село Шупли Камен, имало насобран отпад и локално излевање на обработливо земјиште. 

За сите настани известени се надлежните служби, соопштуваат од Центарот за управување со кризи.