Општина Куманово ќе им помага на болните и изнемоштени лица при набавка на храна и лекови

- Сите граѓани кои имаат потреба од ваков вид на помош можат да се јават на телефонските броеви 075 207 126 и 077 719 494, по што дежурен тим од општината ќе ги посети. Во најблискиот маркет или аптека ќе се набават  и достават бараните производи, за кои самите граѓани ќе си ги покријат трошоците, - велат од Општина Куманово.

Денеска ќе функционира еден тим, а од утре во соработка со Црвен крст ќе се организраат повеќе екипи кои ќе го покријат целото подрчја на општината и ќе им помогнат на сите кои имаат здравствени проблеми и живеат сами.

 Општината Куманово досега постапува по сите препораки на Владата за заштита и справување со коронавирусот.  Од петок го укина редовното работење со страки и воведе електорнска комуникација, го редуцираше јавниот линиски превоз и нареди дезинфекција на сите автобуси во градскио превоз. Како една од мерките во текот на изминатите два дена е миењето на улиците во градот.

Од Општината апелират до граѓаните да ги почитуваат препораките и законските одредби на Владата, како и препораките дадени од општината, да се однесувааат одговорно кон своето здравје и кон здравјето на сите во заедницата.

Во Куманово нема заразени од коронавирус, а со автобусот од Италија со кои допатуваа првите заразени во Дебар, патувале и неколку лица кои се симнале на автобуската станица во Куманово.